नाज़ुक

Pyar se pyara pyar ke izhaar ko kahte hai
Isske bina to pyar adhure aur bekar lagte hai
Ye shishe ye sapne ye rishte aur ye dhaage
Kisse kya khabar kanha toot jaate hai
Pyar ke dariya me tinke wafa ke
Na jaane kis mod par doob jaate hai
Phoolo se bhi nahuk khaylo ki kaliya hai
Gulo ki chhah me kanto ke bhi raste hai
Ajeeb hai dil ki basti ajeeb hai dil ki vaadiya
Har ek mod-e-mausam nai khawaisho me baste hai
Muraadao ki manzil ke sapno me khooye huye
Mohabbat ki raahoo me hum nikal pade hai
Tujhe hi dil se chahaa tujhe hi pooja dil se
Thaam ke dil tere hi raaho me hum aaj bhi khade hai
Rawayate hai shayad ye shadiyo poorani
Shikayat nahi hai koi tujhse ye to jindagi ki siddate hai
Ahal-e-wafa karo fir bhi gila sang rehta hai
Shakh-e-gulab ke khar nazuk ungliyo ko chubh hi jaate hai
*
*

खवाब

Subah aai hai badaao se rihaai laai hai
Badla hai mausam khawab ki taameer aai hai
Aaya hai sukun jaise jalte huye sehra me
Sang barf ke thandi hawao ke jhoonke aaye hai
Chal pade hai hum bhi shuq-e-beparwah
Ab rasta pur-pech hai ya pur-khartar jaisa bhi hai
Gawaraa hai ab to thakan saari dukhan saari chubhan
Tamanna ek khooshbu ke liye hai ye safar jaisa bhi hai
Us ko mujh se mujhko usse nisbaten hai besumaar
Sara-e-chahat ka hai mahavar ye sheher jaisa bhi hai
Barf .snow; Pur-pech winding;
Pur-khartar ..dangerous; Nisbaten .expectation
Mahavar ..focus ; Sheher city

MERİ कवितायें

Subah aai hai balaao se rihaai laai hai
Badla hai mausam khawab ki taameer aai hai
Aaya hai sukun jaise jalte huye sehra me
Sang barf ke thandi hawao ke jhoonke aaye hai
Chal pade hai hum bhi shuq-e-beparwah
Ab rasta pur-pech hai ya pur-khartar jaisa bhi hai
Gawaraa hai ab to thakan saari dukhan saari chubhan
Tamanna ek khooshbu ke liye hai ye safar jaisa bhi hai
Us ko mujh se mujhko usse nisbaten hai besumaar
Sara-e-chahat ka hai mahavar ye sheher jaisa bhi hai
Barf .snow; Pur-pech winding;
Pur-khartar ..dangerous; Nisbaten .expectation
Mahavar ..focus ; Sheher city

मेरी कवितायें

Khush naseeb hu mai ki mila hai tu mujhe
Iss jindagi ke safar me jaise mila sathi ek anmol mujhe
Gumo ke badalo ne bhi tha kabhi ghera mujhe
Inn badalo ko cheer ke bhi suraj deti hai roshni mujhe
Meri kismet me isse pahle itni khushi kabhi na thi
Milke mujhse tune meri jindagi se ru-b-ru kara diya mujhe
Guzar rahi thi jab jindagi meri ek imtahaan ke daur se
Deke sath tune dard ko bhoolana sikha diya mujhe
Roye hai hum bhi bahut to thoda kraar aaya hai dil ko
Du shukriya tujhe ki mere pyar se mila diya hai tune mujhe
Duur ho rahi hu tujhse mai bhi jaanti hu
Shayad tere bahut kareeb la diya hai ye faasla mujhe
Ab ye zamana kuchh bhi kahe gum nahi mujhe
Ab to ek atuut rishte me baanth liya hai tumne mujhe
khaye the jakham jin rishto ke iss dil par kabhi
Uahi rishta jood ke tujhse mil gaya hai ek marhum mujhe
SARA


ISS ANJUMAAN ME……………..!

Gulo ki aarzu me bade zakham khaye hai
Lekin chaman ke khaar bhi ab tak paraye hai
Apne hatho apne hi chaman me khaar bhi laaye hai
Phoolo ke sath dil ke jakham bhi muskuraaye hai
Mahasar me le gai thi tabiyaat ki sadagi
Lekin baade khuluus se hum bhi laut aaye hai
Teri yaad ke sath mere aankh bhi bhar aaye hai
Ek tujhe paane ki chahat pal pal dil ko tadapaaye hai
Kyu tadapte hai phalak aur zameen milne ko
Iss anjuman me to bas unke hi pyar ke saaye hai
Nazuk phoolo se bhi kanto ke jakham khaye hai
Apne ho kar bhi kyu aap lage mujhe paraaye hai
Zamane me ahal-e-dard apne bhi hai praye bhi
Ek teri tamanna me hum to ye safar tay kar aaye hai
Mahasar (day of judgement)
SARA

BARFILI HAWAO ME……………!

Sham se aashqo ka sath nibhaya badalo ne bhi
Subah kya aalam hoga isski to hume khabar bhi na thi
Dil ki mitti ke sath zamee ki mitti bhi hogi nam
Kudrat bhi sath nibhajayegi aisi to meri soch na thi
Toote aaine ke tukdo me har aks dhale the alag alag
Ek surat ke honge itne rang aisi to pahle meri nazar na thi
Sard hawao ke sath jakham ko wo phir taazaa kar gaya
Dard-e-dil yu tadap udhega mujhe aisi to koi umeed na thi
Chalte chalte raah me milengi surkh dhoop ki garmiya bhi
Barfili hawao me itni chubhan to aaj se pahle kabhi na thi
SARA


ASHKO KE SAILAAB ME………………..!

Shakh se girte patto ne dil ko kuchh yu tadpa diya
Beete lamho ko jaise aaina deekha diya
Jakhmo ko kureda ho jaise kissine
Hawane jaane kaisa rukh dikha diya
Waqt badlta raha jakham seene me palta raha
Tanhaaiyo ne aaj usse bhi yaad dila diya
Wo mausam-e-bahar lautega ya nahi
Kudarat ne dil me aaj ek aas bhi jaga diya
Safar abhi lamba hai bahut jaanti hu mai bhi
Uske intzar ne aaj dil me ek diya bhi jala diya
Wo bachpan jiski khamosh ho chuki thi jubaani
Koi rehguzar aake usske kabr par aaj chadar bhi chada gaya
Anjaane hi sahi jaane kyu aaj ye dil kitna majboor ho gaya
Ashko ke sailab me usski yaaden bhi baha gaya
SARA

USKI HASRAT……………..!

Uski hasrat hai samne bitha ke dekheun
Mai mukhaatib hu aur tera haal bhi phoochhun
Seene me chhupi hai aag mulaakaat ke khawaisho ki
Mehandi lage haatho me tera naam chhupa ke rakhun
Tu ashq hi ban ke sama ja meri aankho me
Chahat to bas itni hai mai aina dekhu to tera aks hi dekhun
Aye ishq-e-mohabbat poochhu inn gucho sitaro aur hawao se
Tujhse hi magar aake kabhi tera naam naa poochhun
Aye mere tamanno ke sitare tu bas yu hi roushan rahe
Tere aane tak to mai ye jism shab-e-gum ko na saupun
Ek teri hasart hi meri mukaam hui hai
Poochhoun khuda se bhi to tere siwa kuchh na poochhu
Ishq jaalim hai jaan pe ban aai hai jaan ke bhi
Ab jindgi-e-safar ko kya padhun padhun to bas tere hi naam ka kalma padhun
SARA

NA KOI GILA KARO………………..!

Na shikayat na koi gila karo
Bas yu hi tum mujhe dekha karo
Meri aankho me bas tum raha karo
Aur tum mujhse yu hi baante kiya karo
Meri hatho ki hatheli me
Henna ki khushbu ban tum mehka karo
Meri chunar ke sitare ban ke
Tum mera roop shrigaar karo
Jab bhi kabhi ye dil roye bepanah
Aur kabhi ho jay betahaasa udas
Kabhi chupke chupke dabe kadmo se
Mere peechhe se aakar mujhe hansaaya karo
Meri kurbatein meri chahtein
Tu yaad kare har-pal har-kadam
Apne har gum ko mujhe deke
Bas yu hi har pal tum muskuraya karo
Aaj hu mai tere pass agar kal
Mai tavil safar me rahu kabhi
To mere laut aane tak tum intzaar karo
Tu pyar hai mera sansaar hai mera
Tu mera hai mera hi rahe
Bas itni iltza hai tujhse aye mere hamdam
Sath mere tum bhi yahi dua khuda se manga karo

SARA


DIL LUTA DIYA……………..! DIL-E-HERF

Ye jindagi jab se tumse mulaakaat hui meri
Yu laga ki khud se khud ki pehchan hui meri
Mil ke tujhse phir kabhi kisi aur ki chahat na hui
Din guzarte rahe aur zamaane ho gaye
Manzil hai ek aur do raahi chal pade
Jab se thaama hai tumne mera hatho ko
To phir kisi aur ke sath ki chahat na hui
Mehfilo me bhi aur tanhaaiyo me bhi
Bas har pal tu aur tere khayal hi yaad aate rahe
Khushiyo me ya dard bhari purwaiyo me bhi
Jabse tumne mujhe kiya hai shamil
To kisi aur ki hone ki chaaht na hui
Iss dil ne to maangi hai bas ek dua
Tu yu hi karta rahe pyar mujhse jindgi talaq
Jab se tumne mujh par apna dil luta diya hai to
Kisi aaur ke pyar ki bhi ab chaht na rahi
Pa liya hai maine bhi ab to wo sukun
Ji liya hai har wo pal jisme thi meri jindagi basi
Baad usske to ab jindagi kya hai maut ki bhi chahat na rahi
SARA

KABHI KHUD PE KABHI……………! DIL-E-HARF

Kabhi khud par to kabhi apne hi haalat par hansi aai
Tu na aaya par teri yaad mujhe hasane chali aai
Jaan hu mai teri jab itna hi khayal-e-tasavver aai
To khud par itra ke surkh gaalo par laali si chhai
Padha tha kabhi panno me pyar deewaana hota hai
Par tujhko mil ke usski kimat to aaj samjh aai
Ab kya haal-e-dil kahu humdam mere tujhse
Pal bhar ki doori teri mujhe kitne kareeb laai
Aaj jaana hai iss dil ki deewangi ka suruur
Jab aankho me mere tere khawbo ki taabir aai
Dil ki dhadkane karti hai ek tere hi naam ka sumiran
Aaine me apne chehre me teri hi chhvi paai
Khabhi mai khud par itraai kabhi aaina dekh sharmaai
Sanam teri ishq-e-nuur meri aankho me harpal pade dikhai
Hai ye mera deewanapan aur ye mohabbat ka suruurr
Ay dil-e-naadan itni si baat kyu na meri samjh aai
सारा

बेनाम SADARD……………..!

Ek benaam sa dard kyu thahar gaya hai dil me
Beete kal ki tarah woh guzar kyo nahi jaataa
Hai sukum fir bhi jaane kya dhoodhti rehati hai nigahe
Jaane kya baat hai waqt par har kaam kyu nahi kiya jaata
Kya hua hai mujhe kyu rahne lagi hu mai udas
Kyu rakhti hu ek aas jo duur hai woh dil se uttar kyo nahi jaata
Kyu ban gai hu mai apni hi uljhi hui raaho ka tamasha
Jaate hai jidhar sab mujhese udhar kyu nahi jaaya jaataa
Kyu aa jaata hai wo tasaveer me mere baar baar
Hai agar wo ek dhuundh to aankho se hat kyu nahi jaata
Na jaanu mai usse na phachanu mai usse na wo hai mera
Woh agar khawb hai to bikhar kyo nahi jaataa
Waqt ne kyu aisa sitam hai di par dhaaya ya Rab!
Meri duniya se wo duur kyo nahi chalaa jaataa
SARA